胡志明市 * 食 ::: popeyes + cathay飛機餐

 

真正感受到自已去緊旅行果下,我覺得係食飛機餐既時候

可惜10次有9次半既飛機餐都難食到嘔

就連貴價既cathay都係咁

雖然心知一定唔好食,但每次我都會滿懷絲絲希望等待奇蹟既出現

所以循例,今篇就是飛機餐文嚕~

____________ 

今次我地繼續坐cathay

因為當時買機票時,香港只有cathay有直飛hcmc既航班

所以唯有係佢獨市既情況下捱貴機票

點知,真係xyz!!

 係買完無幾耐,香港航空就新增左直飛hcmc既航點

價錢仲要比cathay平好多

雖然佢首航日期係我地回程既日子

但係.....cathay為左留客,即刻將票價減左成千幾蚊

咁犧牲既係邊個??當然係好早買左票既人啦!!!

有左之前n咁多次既cathay經驗,都知佢d飛機餐唔掂

所以到機場寄行李後食popeyes係指定既事

呢份係魚塊+炒蛋+薯粒+scone

以scone最唔好食,如果攞kfc同popeyes比,kfc贏好多呢!!

 

黎popeyes緊係食炸雞啦~~

雖然晨早流流食炸雞感覺好怪,不過我都照食!!

炸雞+雙腸+炒蛋,比上圖那份好食好多~

 

人地話香港人鐘意影登機牌,而台灣人就鐘意影飛機

我決定兩樣都做,咁就唔會厚此薄彼啦~

今次執飛既係Boeing 777-300ER

雖然話同馬航失蹤既飛機唔係exactly一樣既機型,但機種同樣777

 再加上呢一班機係同vietnam airline聯營

所以出發前都有好多聯想同埋有dd驚

好彩最後安全到達!!

 

由於cathay可以3日前預先check in,所以我一早就睇定時間搶位

明明已經搭過咁多次飛機,但我仲係有窗口情意結

每次都以搶窗口位為己任

可惜今次晏左揀,無哂比較前既窗口位啦

咁就唯有揀機翼位置既位

就咁睇機翼,777-300ER都算係幾jumbo既飛機

 

香港既高空景幾靚~

仲可以清楚望到disneyland

 

因為早機,飛機餐係早餐

這份是"mushroom noodles",其實係中式菇菇炒伊麵

再配維他橙汁,cupcake同生果杯

 

伊麵就只有圖中果幾片少得可憐既菇,同我想像有好大落差

說好的菇菇呢??

不過唔好睇佢個樣好似好核突咁,味道ok的

即是不太難食,但又不會想把它吃完那種

 

每人一份既前菜甜品組合我真係唔多like

維他橙汁同水果杯係冰凍後再攞出黎分派,室溫下已開始出水

而小蛋糕就放係佢地中間

兩邊既水珠黏哂落蛋糕度

拎起時有d濕濕地既感覺令我覺得唔太舒服

呢個包裝真心麻麻 
 
 

蛋糕味道唔錯,但就比較鬆散~

雖然牛油味好重好唔健康,不過起碼食得哂

而生果杯都正常

有西瓜,菠蘿同火龍果

 

今天有推介這個Special - "egg salad bread"

應該係cathay新出試反應既一款早餐

呢個真係好好食喎!!!

除左有熱溶左既cheese外,蛋沙津仲食到一粒粒蛋

最重要係佢真係熱辣辣到燙手

本來飛機餐就應該有咁既質素啦!!

 

去hcmc其實屬短程機,只需2hrs35mins

所以睇一陣電視食下野又到了~

高空景影到好多乾地,睇到都覺得熱

 

5日4夜好快過,回程機7點,所以今次飛機餐係晚餐

今次都有盛載前菜同甜品既紙盒,款式依然一模一樣

晚餐則有雞肉飯同茄汁長通粉

 

雖然賣相都ok,仲有好多瓜瓜果果

不過味道又回復正常水準(唔好食)

好彩之前係新山機場飲左一大杯咖啡,所以都唔覺肚餓

____________ 

我自己覺得,與其味道咁樣,不如飛機餐派杯麵俾我算數

起碼有質素保證先

再唔係就學下油王航空,俾d新鮮好味既食物乘客

咁樣乘客俾錢都俾得開心d