agnès b. le pain grillé * 醉人晚餐

 
每個人對定義一間好餐廳既標準都唔同

雖然我唔係好pro既食家

不過據honey既說法,我對新餐廳既觸覺原來幾敏銳

 每一次同佢講想去試xxx餐廳

佢都會用好疑惑既口吻問我:你到底係邊度知道有咁多新餐廳?!

咁係我心目中點先叫好?

食物質素高?物超所值?服務貼心?地點方便?

嗯,雖然以上呢幾樣都重要,不過我覺得環境舒適先係最重要~

舒適既意思唔係指裝修得幾靚幾豪華

 而係一種令人舒適自在既溫馨氣氛

係呢種唔拘謹既情況下,先真正enjoy到屬於你既晚餐

其中一間令我感受到呢種感覺既餐廳

就係岩岩先結業,位於IFC內既agnès b. le pain grillé

____________

第一次去le pain grillé係同姐妹飲高茶

無高貴格調,無拘束感覺,反而更似置身朋友家中

一齊傾下計,食下小食,間唔中望望出面既維港,既悠閒又舒適

呢次咁好既經驗令我有想再去既衝動

既然試過tea set,食晚餐似乎比較理想

朋友們約了又約,等了又等,時間夾左好耐都未約到

好彩最後都趕得切係結業前去到

雖然IFC果間byebye左,但又一城分店仲營業緊

環境一定無得比,不過食物就應該差唔多

呢篇遲來既文章就俾大家參考下agnes b.晚餐質素吧~

____________

 

一坐低就有麵包食,對放工肚餓到爆既我黎講簡直起到安慰心靈既作用~~

麵包款式有3款,但每款只得1條

分贓唔混,唯有1人1款口味

試唔到其餘2款真遺憾,但又無可奈何~

呢個moment忽然諗起我honey

如果我同佢去既話,我就可以一次過試哂三種

點解係我最需要佢既時候佢先唔係度?!?!?!?!

印象中我好似被分派到最左邊長條型果款

麵包夾著小甜既紅提子乾,有口感之餘味道亦好

有乾果既包果然最岩我口味(橙皮除外)

  

除左麵包,仲有一款welcome snack

雖然只係小食,但都算係誠意之作

鵝肝無花果疊係脆多士上,視覺上睇起黎算精緻

而味道上調較得唔錯,鹹味甜味配合完美

令人更期待陣間落黎既菜式

  

想要一個清新開端,一客autumn salad就最適合不過

沙津入面有ham,沙津菜,哈蜜瓜,再點綴靚靚食用花

賣相很美,味道應該也不錯吧~

  

味道果然無令我失望

沙津菜新鮮,令人愈吃愈愛

ham既油脂分佈平均,鹹香味濃

 配以沙津菜及甜度甚高既哈蜜瓜,有助平衡口腔內既鹹味

我從來唔好食沙津

但如果係autumn salad,我唔介意再encore多一碟~

 

食完好fresh既沙津,緊接住落黎就係期待已久既snail~

食snail有專用既箝同叉輔助食客將殼同肉分離

本來我以為自己可以好優雅咁完成整個步驟

但到真正實行時總有d蝦碌場面

不過質感彈牙,味道配搭更是得宜~

snail口感雖然唔錯,但味道就要靠人手調配先顯得出色

加入以香草為基礎既醬汁後,整體質感大大提升

再加上表面煎得香脆既鵝肝><太滿足啦!!!

不過食完呢2樣膽固醇應該都已經嚴重超標...........

 

當我地享用完美味既鵝肝後,湯亦緊接住上桌

 紅色的?是龍蝦湯嗎?

不過睇起黎質感濃稠,心裡面對佢既好感度大增~

飲第一啖時就覺得唔係龍蝦,亦唔係蟹,咁係咩呢??

最後係好奇心驅使下唯有問廚師

答案原來係魚湯~

不過係咩魚我就唔太清楚

形容佢只需要用4個字:濃而不膩

 

飲完湯又係海鮮時間!!!!

主角係肥美既藍青口~

同babyblue果次唔同,今次藍青口無加入濃烈既調味品

所以仲感受到陣陣海水味環繞住味蕾

我又再次回歸大海既懷抱~~

薯條伴隨住藍青口同上

炸得香脆之外,仲鹹鹹辣辣

配上mustard辣味更突出

我地3個薯條狂魔根本就食到停唔到口嘛~

 

雖然唔經唔覺食左好多野,但好似仲係差d咩咁~

我諗係無殿粉質既關係

當我有呢個想法時,一味tortellini就上桌嚕~

雖然賣相可能無咩特別

但我既食慾依然非常高漲~好想快d試下味呢

tortellini裡面有蝦肉,非常鮮味,與醬汁味道互相呼應

不過一人份就有4隻tortellini,稍嫌多左少少

細食既女仔食完tortellini應該食唔落之後既食物了吧~

 

黎到最後一道main,就係我既至愛 - 牛牛

每次食牛我都會有幸福既感覺呢~

 

最前既牛扒生熟程度乎合我地要求

表面既坑紋好美~

如果我屋企都有一個專門煎扒類既坑紋平底鍋就好了

因為扒既質素唔錯,所以調味方面只需輕輕用海鹽即可

既食到濃郁既牛味,口感亦細嫰

非常贊!!!

而後面既都係牛,但就用燉煮呢個烹飪方式

一食即時感受到牛扒係口中慢慢溶化既感覺

如果調味再加重少少味覺上應該會有更大衝擊

 

最後就係女仔最期待既甜品時間~

當時正直係agnes b. x LC星星盒既換購期,所以甜品都用星星盒盛載

靚到我都忍唔住要換返個呢~

 

甜品一號係Pistachios souffle

現烤既souffle除左外型美觀,仲鬆軟無比

入口即溶既感覺,令我有一種"活著真好"既感覺~

 

 

甜品二號係creme brulee

係芸芸甜品當中,焦糖燉蛋係最穩陣既選擇

agnes b. 出品既creme brulee品質不錯

燉蛋順滑之餘仲帶有雲呢嗱籽既香味

creme brulee上仲有一片烤脆既蕃薯皮

除左可以增加整個甜品口感外,仲有助中和焦糖甜味

  

最後就以心太軟伴雲呢嗱雪糕黎為整晚作結

由於星星盒size細,加上我地擱置左佢一陣

所以朱古力漿流出黎時唔算澎湃

但加分位係佢既甜度適中

蛋糕濕潤度不錯,食起黎唔會乾巴巴

加埋清新口味既雪糕就perfect!!

____________

總括黎講,我地對今晚既晚餐都好滿意

有舒適寫意既環境,絕美既食物,加上知己良伴係身邊

種種因素,都令今晚既晚餐特別美好

希望將來我地又能夠一齊發掘更多好既餐廳:)