首爾 * 食 ::: 서울서둘째로잘하는집 ; BEANS BINS

 

寫寫下卜先發覺,去首爾時飲食既頻率非常高耶!!!

以我地之前去過既旅行統計,觀光,飲食,濕平既比例大概係4:2:4

花太多時間係玩同買身上,結果就犧牲一次又一次品嚐美食既機會

去首爾前,朋友們一致話呢個地方無"美食"可言

 但我反而對佢地既咖啡室文化好嚮往

所以係去韓屋村既行程中,加入2間超想去既咖啡館

分別係서울서둘째로잘하는집(第二紅豆粥)同BEANS BINS 

____________ 

 

서울서둘째로잘하는집 & BEANS BINS都係網上爬文時台妹力推既食店

前者位處三清洞,而後者在三清洞亦有分店

咁去完韓屋村後再黎嘆茶就剛剛好

  但最初plan左用3hrs黎KO既韓屋村同三清洞,最後足足用左5個鐘先完成

 去到서울서둘째로잘하는집時,都已經差唔多5點半了

 

서울서둘째로잘하는집地點其實就係三清洞主街

所以沿住主街行就一定可以見到

佢係走比較家庭式既路線,所以無好華麗同現代化既裝修

不過咁反而令人有一種更溫馨既感覺

 

店入面既種類唔係好多,但最搞笑有一樣叫"十全大補湯"

唔知呢個"十全大補湯"係咪甜既呢?!

不過吸引我既始終係紅豆湯

因為湯入面有栗子,麻糬同紅豆粒呢3樣我鐘意既食材

我諗配搭起黎味道應該唔差掛?!?!?!?!

 

滿心期待既感覺就係食落口果一刻完結

我覺得唔．好．食

佢既材料的確係好豐富

栗子清香,麻糬口感佳

但紅豆湯太稠,同肉桂混合味道太複雜

結果飲幾啖就覺得好飽好膩

唉,仲要同honey一人飲一碗,飲唔唒都飽左大半

 

飲完紅豆湯,就過對面BEANS BINS食我最愛既窩夫

 BEANS BINS三清洞店外觀好靚,3層樓高並設露天茶座

如果可以係裡面睇下書/電影,hea足成日你話幾好呢

可惜俾韓屋村唔清晰既指示搞到我地浪費左半日時間!!

下次再黎一定要預充足時間呢~

 

呢度唔止有窩夫,仲有各式飲品,刨冰同雪糕

不過講到底,唔同口味既窩夫肯定係最吸引

所以我就逼honey都要食窩夫,等我一次可以試足兩款,哈哈哈~

 

原本我想同honey share一個外型幾靚既大size雜果窩夫

不過honey就建議要2個唔同口味既更好

既然一場黎到,試多d新野都唔錯

所以最終我地order左一個橘子原味窩夫同雪糕朱古力窩夫~

 

唔知點解一諗起韓國就會諗到橘子

所以係首爾時無論係飲品定係甜品,首選一定係橘子口味

呢個窩夫雖然賣相一般,但味道真心唔錯~

我最討厭"空心窩夫",因為食起黎唔夠實在

BEANS BINS出品屬於結結實實果種

即烤即制熱辣辣之餘,仲散發住誘人既香氣

窩夫上面既橘子醬味道濃郁,配合果肉恰到好處

整體感覺清新,食起黎罪惡感都少d ^^

 

呢個雪糕朱古力窩夫好有冬日感覺

令我誤以為自已正身處落雪中既首爾,悠閒地係咖啡室入面食甜品

哈哈哈~真係諗下都覺得好幸福 ><

但係靚還靚,朱古力窩夫既味道我沒有很愛耶~

同甜牙牙一樣,BEANS BINS既朱古力窩夫都係偏乾

乾到如果無雪糕好難吞到落口

究竟問題出係邊呢?!?!?!

食黎食去都係原味比較好食呢~

____________

 總括黎講,我覺得BEANS BINS比較值得去

環境OK,食物OK,去放空一整個下午都絕對無問題

至於서울서둘째로잘하는집就一般般

點紅豆湯既話2個人SHARE一碗比較好

不過值得一提既係三清洞呢個地方好舒服,功能性亦好強

近韓屋村,有時尚個性小店可以shopping

又有靚靚咖啡室

一次過滿足唒3個願望~~

推薦俾準備去首爾既朋友~~~~~