BurgeRoom * 好想食漢堡~

BurgerRoom,顧名思義就係專食漢堡既地方~

由於之前曾經高据過開飯網既前10名,所以一直心思思想試

不過呢股熱潮同我既熱情一樣,黎得快去得快

好快我就被其他新開既餐廳吸引住,慢慢忘記左有呢間餐廳既存在

直到前一排睇"搵食飯團",見其中一集介紹食burger既地方

先突然醒起原來我未去burgeRoom朝聖過!!

心動不如行動

當然要即刻飛奔去漢堡既懷抱~~

____________

既然BurgeRoom有個room字

唔知大家第一感覺會唔會覺得佢既環境應該同咖啡室一樣?!

如果話會,恐怕你要失望了

佢裝修的確ok,不過位與位之間真係好逼

 晚飯高峰時段更加需要搭枱

論舒適度真係0,唯有寄望佢既出品有水準啦~

今次我地order左2個burger,客薯條同1支飲品

 

薯條既選擇唔多,最後要左cheese twister fries

呢樣好岩一d super cheese fans

因為芝士味真係好rich,汁既份量亦夠多

不過以我口味黎講,我就覺得鹹左d,而且好膩

好彩叫左1個,唔share一個人一定食唔哂

 

我order既軟殼蟹漢堡首先上桌~

黎到時漢堡已經切開左一半,方便同人分享~

 

就咁目測材料有軟殼蟹一隻,蕃茄,生菜再加沙津醬

軟殼蟹真係幾大隻

見到d蟹腳"突"哂出黎,好想快d試味呀><

 

味道方面,調味得宜,蟹無出現過鹹情況

配合混合左酸瓜既沙津醬一齊食,可以中和到炸物既油膩感

唯一要挑剔係生菜唔夠新鮮,似係放左一段時間咁

無左果種生菜獨有既爽脆口感

但佢地客人都幾多,去貨應該去得好快

所以估計係生菜本身品質唔好吧

不過我整體黎講都幾岩我口味,值得一試

 

然後chili beef burger都黎埋

外表睇平平無奇咁

 

材料有牛牛,金菇,辣醬,蕃茄同生菜

離遠都聞到辣醬味道好濃烈,辣度應該有返咁上下

先講下辣醬,辣度刺激到味蕾,真係幾惹味

而牛牛既質素都唔錯,唔會有"霉霉地"既感覺

配合埋金菇一齊食,整體味道好和諧

係一個食完會令人滿足既組合

 ____________

如果唔計較環境,我覺得burger room都值得一試
 
當然質素同BLT比仲有差距

不過就贏在配搭夠創意

希望之後佢可以出多d香港地道風味既burger啦~