東京 * 生活需要一點甜

  

生活需要一點甜,這是近幾年總括我的生活所得

放慢腳步,好好感受一下世界之美,將會係以後我既人生目標

時隔一整年終於搵到岩既時機,岩既伙伴旅行

令本來已經係生活上心生疲累既我,突然帶來絲絲陽光

唯一覺得可惜就係honey無一齊同行

但來日方長,攜手前進既時間多的是,機會就留俾下半年吧~

____________

初訂計劃本來係遊覽英,法,意三地

但統計過所需旅費後,同伴覺得依然稍高了點

咁岩呢排yen既匯率持續疲弱 

日本行變得更為吸引

所以最終目的地決定係東京~

雖然東京簡直就係放血天堂

但循環又循環既shopping行程並唔適合我

8日7夜中,我地決定以近郊景點為主

留下的腳毛遍及輕井澤...鎌倉...江之島...橫濱...箱根

回來之後覺得短短幾天就去左咁多地方

好有成功感呢~~

____________

航機

  

這次東京之行因為剛巧碰到香草航空(vanilla air)做promo

所以我們每人連去程25kg行李及回程45kg行李才1500@!!

呢個價錢以飛東京黎講真係好吸引

雖然廉航既位置比較窄,無任何娛樂設施,亦無飛機餐

但對budget有限既朋友黎講都不失為一個好選擇

____________

酒店

 

呢個旅程我地住左3間酒店

分別係位於東新宿既e-hotel同grandbell

以及位於箱根既一之湯本館

除左一之湯外,新宿既酒店都係係hotels.com book

日本既酒店普遍偏細,空間感不足

e-hotel就係最典型例子

grandbell係成個trip我最鐘意既酒店

size合適之餘,design亦非常modern

至於位於箱根既一之湯,就係體現老式日本旅館既最佳選擇 

____________

交通

  

日本旅遊如果路程遍及好幾個縣

買pass就係最經濟實惠既選擇

JR KANTO AREA PASS推介俾去輕井澤,日光,橫濱既朋友

而箱根周遊卷就係遊客去箱根時必備既pass

另外仲有地鐵一日卷,鎌倉江之島一日卷及橫濱一日卷

大家可按各自需要選購

要緊記一點,KANTO AREA同箱根PASS都需要出示護照購買

duty free shop退稅亦需即時出示護照

所以建議還是護照不離身較好

____________

食物

  

愛吃的朋友不好意思了,看來這一次食物篇你們大概會失望

雖然甚麼類型也吃到,但感覺沒多大重點

唯一要重點介紹的是BILLS

這裡有被紐約時報評為世界第一的早餐

不管是名氣還是食物,也極有看頭

 ____________

SHOPPING

  

好多人成日叫香港做購物天堂

但我心中的購物天堂絕對係日本

任何心中想要的都幾乎能在日本買到

更甚是古著,外國小眾品牌都一應俱全

可惜今次旅程以景點為先,SHOPPING為次

以至所買到的與我行程前所想的數量有頗大出入

唯有下次再來一個瘋狂SHOPPING之旅好了><

____________

 每次去完日本都會有旅行後遺症

就算返左香港成個禮拜症狀都未退減到

下次想冬天去立山黑部啦~~

關於東京之旅既小篇會慢慢詳述

請多多關照^^