首爾 * 食 ::: dunkin' donuts

冬甩係韓國算係幾hit既甜食

當地賣donuts既鋪頭好比OK同7仔,總有一間係你左近

我自己都幾鐘意呢樣甜食

雖然熱量超高,但甜甜軟軟既口感的確令人又愛又恨

可惜香港依家再無大型既donuts連鎖店

所以去到首爾,唔理熱量卡路里,我一定要食到飽為止!!

____________

 

係仁寺洞血併完返酒店時,無意中見到呢間dunkin' donuts

之前睇韓劇時好似成日都見到佢既招牌

我諗質素應該有保證

 

我好欣賞韓國既cafe文化

就連賣donuts既店鋪都有舒服既座位俾客人坐係度慢慢食

可惜我地每人至少拎住5大袋戰利品

果一刻只想快d返酒店放低d野

所以隨便揀左2個donuts就即閃

 

返到酒店睇清楚原來2個都係藍莓系 = =

不過事實上果間分店既選擇真係唔多

呢個藍莓白朱古力donuts外型唔錯喔~

 

分開見到donut內被調成藍莓味,而且更加入藍莓乾

 整個設計非常有誠意~

面層既藍莓朱古力混合白朱古力後甜度較高

但粒粒藍莓朱古力食起上黎口感又唔錯

入面既donut藍莓味不突出

可幸藍莓乾甜中帶酸,中和面層朱古力既膩

三者配搭得宜,味道亦非常和諧~

不過講到尾對我黎講都終係太甜

如果有少糖版就perfect!!

 

第二個外形似足沙翁既donut

表面灑滿士多啤梨味既糖霜

 甜甜既感覺直入我心~

 

donut中間係流心藍莓果jam

老實講,賣相真係相當唔錯~

之但係當我食第一啖無幾耐,就feel到我d牙係度"打甜震"

腦入面只出現2個字:好甜好甜好甜好甜好甜

少量糖霜可以滿足我心靈,但俾得太慷慨就成為健康既負擔

 加上果jam只得死甜而不富任何藍莓果香

sorry,我實在唔識欣賞呢種無層次既甜味

____________

雖然知道韓國人嗜甜,但諗唔到佢地既接受程度竟然會咁高

 我雖然鐘意食甜品

但自從2,3年前開始減甜後,對甜忽然變得好敏感

甚至開始抗拒太甜既食物

dunkin既donuts口感ok

如果唔想食太甜,佢仲有一d無糖/朱古力既donuts選擇

去首爾,推介一定要食donuts呀~~